Interi do të jetë pa sponsor në fanelat e skuadrës së tij në finalen e Champions League, ashtu siç ishte edhe në ndeshjet gjysmëfinale të turneut me rivalin e qytetit, Milanin.
Sakaq, një faqe për të rritur po mundohet ta shfrytëzojë këtë mundësi dhe të ketë logon e saj në gjoksin e lojtarëve të Interit dhe të bëjë një reklamë të mire për veten.
Kompania i ofroi 100 milionë euro gjigandit italian.
Sponsori, i cili ishte në fanelën e Interit në sezonin 2022/23, është pezulluar për shkak se nuk ka përmbushur disa herë detyrimet ndaj “zikaltërve”.
Kompania në fjalë, gjithashtu sponsorizoi Romën, por edhe “ujqërit” tani janë pa logon e tyre.
Faqja pornografike po përpiqet të mbushë boshllëkun në ekipet e Interit. Kompania madje ka plane për një partneritet afatgjatë. Faqja i ofron gjigandëve të Milanit 100 milionë euro për të vënë logon në fanelë deri në verën e vitit 2029.
Interi nuk ka gjasa ta pranojë këtë ofertë. Për finalen me Man.Cityn, “zikaltrit” me gjasa po mendojnë të vendosin në gjoks një reklamë të një organizate humanitare.
j.l./ dita
