Sheshi Skënderbej u elektrizua mbrëmë përgjatë koncertit të këngëtarit me famë botërore, Enrique Iglesias. Këngëtari performoi për disa orë live para shqiptarëve, në një koncert për herë të parë në vendin tonë, ku ka sjellë hitet e tij.
E mes shumë performancave, këngëtari ka suprizuar dhe me një gjest, që ishte simboli i shqiponjës, me duar.
Por duket se kjo nuk ishte e vetmja surprizë, pasi Iglesias kishte mësuar dhe një fjalë shqip, ndërkohë që bëri një urim në mes të skenës teksa piu një pije alkoolike me fund, duke thënë ‘gëzuar’.
