Të dielën në mbrëmje, një person me doreza, maskë dhe elektrik dore, arriti që të futej në një kompleks banesash në Potsdam, qytet në periferi të Berlinit, ku jeton kancelari gjerman Scholz.
Sipas medias gjermane “Der Spiegel” personi është futur në apartament dhe më pas është larguar nga vendi i ngjarjes pasi është vënë re.
Por personi ka lënë pas imazhin e tij të maskuar në kameran e objektit.
Scholz nuk ishte në shtëpi në momentin që personi, ende i paidentifikuar hyri në banesë.
Aktualisht Sholz është duke u përpjekur të ruajë unitetin e koalicionit të tij – të përbërë nga socialdemokratët e tij të qendrës së majtë, të Gjelbërit dhe FDP liberale.
Kur ka ndodhur ngjarja ai ishte në një takim që zgjati rreth 20 orë dhe përfundoi pa një marrëveshje.
Sipas Der Spiegel, masa më të rrepta sigurie po merren pas incidentit në kompleksin e apartamenteve të Scholz, ndërsa hetimet vazhdojnë për të zbuluar se kush ishte personi që i shkoi për “vizitë” kancelarit.
j.l./ dita
