Në vigjilje të përvjetorit të 16 të Pavarësisë së Kosovës, Fondacioni “Përkrahje për Mbrojtjen Juridike të Presidentit Hashim Thaçi” dhe Shtëpia Botuese ‘Fan Noli’ organizuan në Prishtinë në Bibliotekën Kombëtare të Kosovës ‘Pjeter Bogdani’ promovimin e librit “Shtet i Ri – Burrë Shteti Modern –Hashim Thaçi – Një Biografi”.
Libri është shkruar nga gazetarët britanikë Roger Boyes dhe Suzy Jagger dhe është sjellë në shqip nga Arta Dade.
Prej vitesh nuk ishin pare se bashku, ashtu si në liber, protagonistë e komandantë të luftës për çlirimin e Kosoves, pjesemarres te levizjes studentore 90-91 e të rezistences paqesore, bashkëpunetorë e bashkëudhetarë të Hashim Thaçit në luftë dhe në perpjekjet që çuan në shpalljen e Kosovës, shtet i pavarur.
Ishte manifestim i solidaritetit dhe respektit per vlerat e luftes se drejte te popullit te Kosoves, respektit per punen vetëmohuese per te ngritur shtetin e ri te Kosoves, respektin për punen e gjithesecilit dhe të vetvetes, per njohjen e Kosoves nga mbi 110 shtete si edhe pranimin e saj ne organizmat nderkombetare.
Ishte mirënjohje dhe vlerësim për partnerët nderkombetare qe bashkepunuan ngushtesisht me ato figura te rendesishme ne aksionin e NATO-s ne mbrojtje te te drejtave te shqiptareve te Kosoves per t’i dhene fund genocidit te Miloshevicit dhe çeljes se rruges per ndertimin e shtetit te ri te pavarur.
Kjo veprimtari ishte gjithashtu, sikurse edhe vetë libri, kujtesë se liria nuk vjen vetiu por u fitua me gjakun e te reneve dhe se demokracia ndertohet me vizion e perkushtim ndaj vlerave te saj, maturi e integritet, dashuri per vendin e dinjitet kombetar.
Përlthyesja e librit, ish-ministrja e jashtme e Shqipërisë, Arta Dade, theksoi për DITA se ky prezantim i librit per Hashim Thaçin dha një mesazh të fortë pasi bëri bashke komandantet e udheheqesit politike Ali Ahmeti e Ramush Hajradinaj, Fatmir Limaj e Arben Çeku, pjesemarres te delegacionit te Rambujese si Blerim Shala, ish-Ministrin e Jashtem Skender Hyseni e ish Zv/KM e Minister i Drejtesise Hajredin Kuçi, ish Minister per Integrimin Europian e ish Ambasadore ne Washington DC, Vlora Çitaku, kryetarin e PDK, Memli Krasniqi e mjaft personalitete të politikes e diplomacisë.
Ishin te pranishem Znj. Thaçi si edhe i biri o Hashim Thaçit, Endriti.
Libri eshte deshmi e qarte e pafajësise se Hashim Thaçit e udheheqesve te tjere te UCK-se Jakup Krasniqi, Rexhep Selimi e Kadri Veseli, te cilet sot perballen me akuza te pavertetuara ne nje proces në Gjykaten Speciale në Hagë.
Libri permban parathenie nga senatori amerikan Bob Doll, i cili thote se rrugetimi i Hashim Thaçit eshte rrugetimi i Kosoves.
*****
©Copyright Gazeta DITA
Ky artikull është ekskluziv i Gazetës DITA, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar DITA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
