Policia e Lushnjes ka gjetur 8 sirianë në një banesë 2-katëshe të pabanuar në fshatin Golem.
Sipas burimeve, bëhet me dije se policia ka rënë në gjurmë të dy shqitarëve që po dërgonin ushqim në banesën ku strehoheshin sirianët, dhe në momentin e ndjekjes ata kanë braktisur mjetet dhe janë larguar në drejtim të paditur.
Policia e Lushnjes ka vënë në pranga personin që strehoi 8 sirianët, Kristian Engjëll Plakun nga Maliqi.
Autori sapo ka konstatuar policinë ka tentuar të largohet dhe është ndjekur nga policia përreth një km rrugë, në momentin që është prangosur.
Kristian Plaku rezulton si person i dënuar nga Gjykata e Vlorës, për veprën penale të trafikimit të qenieve njerëzore.
Mësohet gjithashtu se në banesën 2-katëshe, policia ka gjetur dhe 2 automjete të braktisura, ndërsa po vijon hetimet për pronësinë e tyre. Sakaq, mësohet gjithashtu, se 4 burrat e 4 gratë e fshehura në banesën e pa banuar, janë në gjendje të mirë shëndetësore.
p.k\dita
