Gara në Europa League është bërë edhe më interesante, teksa kanë nisur përballjet mes favoritëve. 8 ndeshje zhvillohen mbrëmjen e kësaj të enjte, të ndara në dy orare.
Sytë janë tek skuadrat kryesore të kompeticionit si Manchester United, Roma, Juventus apo Arsenal, ndërkohë që nuk duhen nënvlerësuar Sevilla, Leverkusen, Fenerbahçe apo Union Berlin.
Të besuarit e Jose Mourinhos presin në shtëpi Sociedadin, me spanjollët të cilët janë totalisht jashtë forme. Italianët vijnë me moralin lart pas fitores në kampionat ndaj Juventusit. Arsenali i Mikel Artetës përballet me Sportingun në Jose Alvalade, ndërsa vijon luftën në dy fronte, kampionat dhe Europë.
Juventus-Freiburg e Manchester United-Betis janë po ashtu sfida që priten me interes, kjo për faktin se bardhezinjtë kërkojnë qëndrimin në Europë për sezonin e ardhshëm. Po ashtu dhe Conference League zhvillon sonte 7 ndeshje emocionuese. Sfida e parë e kësaj faze ishte ajo mes Lazios dhe Alkmaarit, e fituar nga holandezët me rezultatin 1-2.
o.j/dita
