Një rast i dyshimtë pë vendosje tritoli është njoftuar në fshatin Nikël, ku paraditen e së premtes është raportuar për praninë e dy kallëpeve të dyshuara me lëndë plasëse.
Sipas policisë, 51-vjeçari Sh. M., ka njoftuar autoritetet për gjetjen e dy objekteve të dyshuara si lëndë plasëse me fitil zjarrpërcjellës në afërsi të rrethimit të jashtëm të banesës së tij.
Menjëherë, forcat e rendit janë angazhuar për sigurimin e vendit të ngjarjes dhe kanë bërë sekuestrimin e provave materialeve.
Specialistët e policisë po zhvillojnë hetime për të zbuluar rrethanat e ngjarjes dhe për të identifikuar autorin ose autorët që mund të jenë përgjegjës për këtë akt të dyshuar kriminal.
i.b./dita
