Në orën 18:45, do të startojnë dhe 2 sfidat e para, nga 4 grupet e mbetura, të vlefshme për raundin e 3-t, të fazës së grupeve, të kompeticionit më të rëndësishëm për klube në Evropë, UEFA Champions League.
Kështu, në “Estadio Olimpico”, “shtëpia” e re e “katalanasve” të Barcelona, këta të fundit do të presin kampionët ukrainas të Shakhtar Donetsk, në një përballje ku nuk kërkohet asgjë më pak se fitorja, pavarësisht mungesave të mëdha, por sërish sulmi përbëhet nga talente të mëdha, si Lamine Yamal, Ferran Torres e Joao Felix.
Në krahun tjetër, në “mitikun” e Roterdamit, “De Kuip”, kampionët holandezë të Feyenoord, të udhëhequr në sulm nga Stengs, Igor Paixao e Santiago Gimenez do të kërkojnë 3 pikët e radhës në grupin E, përballë kundërshtarëve direkt të Lazio, me këta të fundit që do nisin që në minutën e parë të sfidës me anësorin e Kombëtares, Elseid Hysaj, në krahun e djathtë të fushës.
p.c. / dita
