Gjykata e Posaçme ka pranuar kërkesën e ish-deputetit të Partisë Socialiste Jurgis Çyrbja, Ahmet Mashës dhe Altin Hajrit, ky i fundit në kërkim, për gjykim të shkurtuar.
Në fund të procesit gjyqësor, nëse provohen akuzat, dhe ata dënohen do të përfitonin zbritjen me 1/3 e dënimit. Në seancën e radhës më 20 tetor ora 13:00 do të dëgjohen kokluzionet e prokurorisë së posaçme. Jurgis Çyrbja u arrestua më 20 tetor të vitit të kaluar.
Sipas dosjes hetimore të SPAK, ish-deputeti akuzohet për nxjerrje të sekretit shtetëror, përkrahje të autorit të krimit, si dhe korrupsion në zgjedhje. Hetimet zbuluan se Çyrbja ka dekonspiruar operacione policore dhe ka shpërndarë të dhëna nga sistemi TIMS, duke ndihmuar persona në kërkim që të shmangin arrestimin.
Në dosje theksohet lidhja e ngushtë mes Jurgis Çyrbes dhe të kërkuarit ndërkombëtarisht Altin Hajri, i njohur për rrëmbimin dhe zhdukjen e Jan Prengës. SPAK pretendon se Çyrbja i ka premtuar Hajrit mbështetje në këmbim të votave gjatë zgjedhjeve.
Altin Hajri, ende në kërkim, akuzohet gjithashtu për korrupsion zgjedhor, pasi dyshohet se i ka siguruar vota ish-deputetit socialist. Sipas hetimit, Çyrbja, Hajri dhe një tjetër person, Ahmet Masha, kanë bashkëpunuar në disa aktivitete kriminale, të dokumentuara përmes komunikimeve të interceptuara.
j.l./ dita
Pranimi i gjykimit te shkurtuar nga Gjykata eshte bere nje rutine bajate qe i sherben vetem te zeneve me presh nder duar per tju lehtesuar atyre denimi.
Gjykimi shkurtuar pranohet vetem kur nuk ka prova te mjaftueshme per fajesi ashtu sikur nuk ka dhe alternativa per te pandehurin dhe palet bien dakort si mbrojtja si akuza. Por kurrsesi Ghykimi i shkurtuar nuk mund te pranohet nga Gjykata per nje qe eshte kapur mat me presh ne duar e fajesine e ka hapur. Ky eshte vecse nje lehtesim per krimin, sidomos per vrases qe pranojne gjykim te shkurtuar e menjehere u hiqet 1/3 e denimit (!)