Në Gjykatën e Lartë shqyrtohet sot kërkesa e familjarëve të Aleks Nikës, i vrarë në protestën e 21 janarit të vitit 2011, të cilët kërkojnë që dosja e ’21 janarit’ t’i kalojë SPAK.
Seanca gjyqësore do të zhvillohet sot në orën 13:00 me trupin gjykues Ilir Panda, Sokol Binaj dhe Sandër Simoni.
Në seancë do të jenë të pranishëm edhe palët, pra të familjes Nikës dhe të përfaqësuesve të SPAK, ku edhe më pas do të caktohet nëse çështja do të kalojë në dorën e Prokurorisë së Posaçme, duke prishur vendimin e dy shkallëve të mëparshme.
Do jetë Gjykata e Lartë që me një vendim urdhërues do të vendosë nëse hetimet do t’i vijojë Prokuroria e Tiranës apo do i kalojnë SPAK, për të hapur hetimin e asaj që Gjykata e Strasburgut e quajti krim shtetëror.
n. s. / dita
Uroj që GJL të marre nje vendim te drejte. Do te jete nje akt qe jo vetem do rrise besimin e shqiptareve te drejtesia e reformuar, por se më ne fund ajo do hetohe dhe vendose se cilet jane fajtoret e vertete te masakres se 21 janarit 2021, edhe pse populli i di cilet jane, por drejtesia e Salehut i quajti vrasje nga pakujdesia (?!!). Ghithsesi GJL ka sot ne dore vendimin e Gjykates se Strasburgut, qe nuk ka asnje lene shteg per te qene në vendimin e sotem subjektive. Edhe njehere uroj te mos ndodhe!!