Një banesë u shkrumbua nga flakët mesditën e kësaj të mërkure në fshatin Domen të Postribës në Shkodër, ku humbën jetën nëna 24-vjeçare dhe dy fëmijët e saj të mitur.
Familja Çela jetonte në Gjermani dhe kishte ardhur me pushime në Shkodër.
Ata kishin mbërritur sot në fshatin Domen, në shtëpinë e vjetër të familjes, pasi ata jetonin në Shkodër, me qëllimin për ta riparuar dhe për të bërë disa punime.
Nëna me dy fëmijët ishin në shtëpinë e vjetër duke gatuar ndërsa kryefamiljari ka qenë pak më larg në fshat.
Zjarri ka shpërthyer dhe në pak minuta është shkrumbuar e gjithë shtëpia e vjetër. Në banesë janë gjetur një bombol gazi dhe një shishe benzine.
Njoftimi i policisë Shkodër:
Rreth orës 13:10, në fshatin Domen, Shkodër, ka rënë zjarr dhe është djegur banesa në pronësi të shtetasit B. Ç.
Shërbimet e Policisë dhe punonjësit e shërbimit zjarrfikës, pas marrjes së njoftimit, kanë shkuar në vendngjarje.
Nga veprimet e para dyshohet se, si pasojë e zjarrit, kanë humbur jetën shtetasja B. Ç., 24 vjeçe, dhe dy fëmijë të mitur, përkatësisht 3 vjeç dhe 1 vjeç e gjysmë.
Grupi hetimor, nën drejtimin e Prokurorisë, po punon për përcaktimin e shkakut të rënies së zjarrit dhe dokumentimin e plotë të rrethanave të ngjarjes.
j.l./ dita
Si ka mundesi nuk kane dalë dot???
Sa keq.
E kam zemren dhe shpirtin te helmuar nga ky lajm
Dikush digjet i gjalle ne nje kasolle, gjersa mafia shtetërore ne delirium kontrabande me lek qe shveftesojne edhe euron.
Tragjedi migjeniane