Ish-presidenti mund të frikësojë dëshmitarët duke zbuluar informacionin e klasifikuar që ka marrë nga qeveria, sipas një deklaratë të prokurorëve. Në një postim në Truth Social, tha se nëse nuk më lini të qetë, as unë nuk do t’ju lë të qetë.
“Nëse nuk më lini të qetë, as unë nuk do t’ju lë të qetë,” tha ai.
Një ditë më parë ai e deklaroi veten të pafajshëm për akuzat se kishte orkestruar një komplot për të përmbysur zgjedhjet e vitit 2020 ndaj demokratit Joe Biden.
Në daljen e tij në gjykatën federale në Uashington, zyra e Prokurorit Special Jack Smith tha se ish-presidenti mund të zbulonte publikisht materiale të klasifikuara, të tilla si transkriptet e jurisë së madhe, që ai ka marrë nga prokurorët.
Si pjesë e procesit, prokurorëve u kërkohet t’u japin të pandehurve provat kundër tyre në mënyrë që ata të përgatiten për mbrojtjen e tyre.
“Kjo mund të shkaktojë frikë te dëshmitarët ose të ndikojë negativisht në drejtësinë në këtë rast,” shkruajnë prokurorët, duke vënë në dukje historinë e kaluar të Trump për të sulmuar gjyqtarë, avokatë dhe dëshmitarë në çështje të tjera kundër tij.
Prokurorët po kërkojnë në apelin e tyre që gjyqtarja Tanya Chatkan të lëshojë një urdhër që ndalon Trump dhe avokatët e tij të zbulojnë materialin që u është ofruar nga prokuroria.
Prokurorët theksuan se ishte veçanërisht e rëndësishme të kufizohej publikimi i këtij materiali, duke pasur parasysh deklaratat e Trump në mediat sociale.
