Lydia, vajza e të ndjerës Caroline Crouch që u vra nga bashkëshorti i saj, Babis Anagnostopoulos tashmë ndodhet në Filipine.
Prindërit e vajzës, Susan dhe David Crouch kanë vendosur që të zhvendosen në Filipinen e largët për shkak se duan që mbesa e tyre 2-vjeçare të rritet në një mjedis të sigurt larg gjithçkaje që mund t’i kujtojë vrasjen e nënës së saj.
Gjithashtu mediat bëjnë me dije se prindërit e Caroline po mendojnë të ndryshojnë mbiemrin e fëmijës teksa kanë deklaruar se do të bëjnë gjithçka që mundet që Babis Anagnostopoulos të mos e shohë kurrë më vajzën e tij.
Anagnostopoulos po vuan dënimin e përjetshëm për mbytjen e 20-vjeçares Caroline para vajzës së tyre 11 muajshe në maj të vitit të kaluar. Caroline u torturua dhe u mbyt me një jastëk në shtëpinë e tyre në Athinë.
Ai organizoi një grabitje dhe i vuri fajin një bande shqiptare si përgjegjës, por më pas pranoi autorësinë e vrasjes makabre.
o.j/dita
