Qeveria greke ka njoftuar masa të reja më të ashpra kundër emigracionit të paligjshëm, duke planifikuar eliminimin e një rregulli që u lejonte emigrantëve të parregullt të aplikonin për leje qëndrimi pas shtatë vitesh qëndrimi në vend.
Ministri i Migracionit, Makis Voridis, deklaroi se kjo dispozitë është abuzuar dhe se nga tani e tutje “askush që ndodhet ilegalisht në Greqi nuk do të legalizohet kurrë”.
Ai theksoi se çdo vit hyjnë ilegalisht rreth 55-65,000 emigrantë, gjysmës së të cilëve u jepet azil.
Projektligji i ri, i miratuar nga kabineti dhe që pritet të kalojë në Parlament në qershor, parashikon dënim me burg deri në pesë vjet për hyrje dhe qëndrim të paligjshëm.
Gjithashtu, paraburgimi para deportimit do të zgjatet deri në dy vjet nga maksimumi aktual prej 18 muajsh.
Në vitin 2024, policia greke arrestoi 74,000 migrantë të parregullt, por arriti të dëbojë vetëm 2,500. Ministri tha se shumë prej tyre pretendojnë identitete të rreme për të shtyrë procesin e deportimit.
Ndërkohë, për të përmbushur nevojat ekonomike dhe mungesën e fuqisë punëtore, rreth 200,000 punëtorë sipas Bankës së Greqisë, qeveria do të paraqesë deri në korrik rregullore të reja që inkurajojnë emigrimin e ligjshëm.
j.l./ dita
Duan ti markojne si lopet, me kodin dixhital QR ( ID personale Elektronike ). Bejne te veshtirin per dokumenta, qe emigrantet te pranojne c’do zgjidhje dhe ajo qe permenda eshte zgjidhja qe planifikojne, jo vetem per emigrantet por edhe per Greket. Kjo eshte nje axhende per gjithe BE-ne, por Greqia si vend eksperimentesh dhe tradhetaresh ( Te Grekeve ) qe eshte, eshte e para per c’do lloj maskarelleku qe duan te testojne ata te Brukselit. Ne BE, sidomos ne vendet e medha ka rezistence te madhe per ID Dixhitale Personale, por po perpiqen me te gjitha menyrat qe ta fusin nga porta e pasme. Ne Tetor Banka Qendrore Europiane lancon Kriptovaluten CBDC e-Euro, pavaresisht se 75% e Europianeve jane kunder.
Duan te na katandisin te gjitheve ne Bashkimin Sovietik Elektronik. Kjo eshte dhe Europa 2030-te, qe ju shet e flet shuli i Netes, si nje arritje e madhe per Shqiptaret.