Ruja Ignatova, e njohur edhe si “Mbretëresha e zhdukur e Kryptos”, është vendosur në listën e 10 më të kërkuarve të FBI-së.
Gruaja bullgare, që besohet të jetë rreth të 40-ave kërkohet për rolin e saj të dyshuar në drejtimin e një mashtrimi me kriptomonedhë të njohur si OneCoin.
Hetuesit federalë akuzojnë të arratisurën për përdorimin e skemës për të mashtruar viktimat me njëdëm prej 4 miliardë dollarësh.
Ajo është zhdukur që nga viti 2017, kur zyrtarët amerikanë nënshkruan një urdhër arresti dhe hetuesit filluan të hetonin për të.
Në vitin 2014, OneCoin, një kriptomonedhë, filloi t’u ofronte blerësve komision nëse ata ia shisnin monedhën më shumë njerëzve.
Por agjentët e FBI-së thonë se OneCoin ishte i pavlefshëm dhe nuk u mbrojt kurrë nga teknologjia blockchain e përdorur nga kriptovalutat e tjera.
Sipas pretendimeve të bëra nga prokurorët federalë, në thelb ishte një skemë Ponzi e maskuar si një kriptomonedhë.
Cryptoqueen: Si e mashtroi botën ajo, dhe u zhduk më pas?
“Ajo e përcaktoi skemën e saj në mënyrë perfekte, duke përfituar nga spekulimet dysbuese të ditëve të para të kriptomonedhës,” tha Damian Williams, prokurori më i lartë federal i Manhattan.
FBI shton të arratisurit në listën e saj më të kërkuar dhe ofron një shpërblim prej 100,000 dollarësh për çdo informacion që çon në arrestimin e Ignatovas, e cila u akuzua në vitin 2019 me tetë akuza, përfshirë mashtrimin e letrave me vlerë.
Ajo është e vetmja grua në listën e 10 më të kërkuarve të FBI-së.
j.l./ dita
Mos eshte fajtore si Sudja jone?