Një vendim i paprecedentë ka nxjerrë në rrugë 10 punonjësit e stadiumit “Fadil Viokrri” të Prishtinës ku u luajt ndeshja e fundit eleminatore mes Kosovës dhe Rumanisë, e mbyllur në barazim pa gola.
Në fund të takimit, shumë lojtarë akuzuan gjendjen e fushës duke justifikuar edhe mungesën e rezultatit por ata harruan të thonë që po kjo fushë pengoi edhe Rumaninë për të luajtur futbollin që kishte planifikuar.
Në këtë mënyrë, Federata e Futbollit të Kosovës ka vepruar duke larguar nga puna 10 punonjës të stadiumit të kryeqytetit edhe pse nuk ka një komunikatë zyrtare e aq më pak arsye për këtë vendim.
I larguar nga detyra është edhe vetë drejtori i stadiumit Benet Rezniqi, i cili nuk ka dashur ta komentojë vendimin e federatës që atë bashkë me shumë kolegë i nxjerr mes “4 rrugëve”.