Zëvendës presidentja Kamala Harris po udhëheq procesin e certifikimit të rezultatit të zgjedhjeve presidenciale të 5 nëntorit, që po zhvillohet në selinë e Kongresit amerikan.
Kjo e hënë shënon gjithashtu 4-vjetorin e kryengritjes në Capitol Hill, kur mbështetësit e Donald Trump u përpoqën të zhbënin certifikimin e fitores së presidentit demokrat Joe Biden në 2020-n.
Procesi është vetëm një formalitet, por në mbarë Uashingtonin janë marrë masa të larta sigurie, me Biden që është zotuar se nuk do të ketë një përsëritje të dhunës së 6 janarit 2021, që çoi në vdekjen e disa personave.
Si zëvendës presidente, prania e Harris kërkohet nga Kushtetuta amerikane për të drejtuar zyrtarisht certifikimin e rezultatit të 5 nëntorit, kur ajo humbi përballë Trump.
i.b./dita
