Të paktën 16 persona kanë humbur jetën pas rrëzimit të një helikopteri në periferi të Kievit.
Shefi i Policisë Kombëtare, Ihor Klymenko tha se nëntë nga të vdekurit ishin në bordin e avionit, i cili u rrëzua pranë një kopshti fëmijësh dhe një ndërtese banimi në periferinë lindore të Brovary.
Ministri i Brendshëm ukrainas, Denys Monastyrskyy, zëvendësi i tij dhe një tjetër zyrtar ishin në mesin e 18 viktimave.
Tre nga të vrarët ishin fëmijë.
Sipas raporteve, 29 persona janë shtruar në spital duke përfshirë 15 fëmijë.
Ende nuk është dhënë shkaku i përplasjes së helikopterit.
Mësohet se helikopteri është përplasur mbi një kopsht fëmijësh dhe më pas në një godinë banimi, dhe ka shpërthyer në flakë.
Helikopteri që u rrëzua ishte një Eurocopter EC225 “Super Puma”, raporton CNN.
Ministri i Brendshëm, 42-vjeç, ishte një anëtar i shquar i kabinetit të Presidentit Volodymyr Zelensky dhe luajti një rol kyç në përditësimin e publikut mbi viktimat e sulmeve me raketa ruse që nga pushtimi i Ukrainës në shkurt 2022.
j.l./ dita
Perse nuk e japin tipin e helikopterit te rrezuar, apo del prodhim i viteve ’70-80.