Prokuroria Elbasanit ka nisur hetimet pas rastit në Gramsh ku disa fëmijë në kopshtin nr. 1 dyshohet se janë helmuar nga ushqimi me salmonelë.
Policia njoftoi të dielën se në spital janë paraqitur për ndihmë mjekësore gjashtë fëmijë.
Analizave i janë nënshtruar të gjithë fëmijët dhe personeli i kopshtit.
“Në cilësinë e provës materiale janë sekuestruar kartelat klinike për gjashtë pacientët e shtruar në spitalin e Gramshit”, njoftoi policia.
Në duart e policisë kanë përfunduar edhe procesverbalet e kontrollit dhe furnizimit me produkte ushqimore të kopshtit si dhe janë marrë mostrat nga ushqimi për ekzaminime të mëtejshme në kushte laboratorike.
Autoritetet kanë bllokuar edhe produktet ushqimore të mbetura në kuzhinën e këtij kopshti.
“Të gjitha veprimet janë kryer nën drejtimin e Prokurorisë së Juridiksionit të Përgjithshëm Elbasan”, njoftoi policia.
Të miturit manifestuan temperaturë, të vjella dhe dhimbje koke.
Shenjat e para të helmimit u konstatuan në fillim të javës, duke pretenduar se ishte ndonjë situatë virale.
Por, rezultati i analizave ka evidentuar se ata janë infektuar me salmonelë, e cila dyshohet se ka ardhur nga ushqimi i serviruar nga një kompani private përmes kateringut.
j.l./ dita
Jashtu pa meshire te gjith ne burg ata qe hajne salmonele
Depsez milet
Oligarku ka sjelle salmonele qe ta blini dhe jo ta hani