Prokuroria e Posaçme Kundër Korrupsionit dhe Krimit të Organizuar po vijon hetimet mbi ngjarjet e 21 Janarit, duke thirrur për të dhënë dëshminë Zabit Dedën, vëllain e Hekuran Dedës, një prej viktimave të mbetur në protestë.
Zabit Deda është paraqitur në ambientet e SPAK që në orën 10:00 të mëngjesit, ku po merret në pyetje nga prokurori Alfred Shehu.
Prokuroria e Posaçme Kundër Korrupsionit dhe Krimit të Organizuar ka vijuar hetimet mbi ngjarjet e 21 Janarit, duke thirrur për dëshmi Agim Dedën, vëllanë e Hekuran Dedës, një prej viktimave të mbetura të vrarë gjatë protestës së zhvilluar në bulevardin “Dëshmorët e Kombit” në viin 2011.
Një ditë më parë, në ambientet e SPAK u paraqit edhe vëllai tjetër i viktimës, Zabit Deda, i cili u mor në pyetje nga prokurori Alfred Shehu. Hetimet e intensifikuara në muajt e fundit kanë synim të hedhin dritë mbi rrethanat e ngjarjes dhe përgjegjësitë institucionale.
Sipas vendimit të kohës së Gjykatës së Apelit edhe vrasja e Hekuran Dedës ka mbetur pa autor.
Në përpjekje për të zbardhur tërësisht dinamikën e 21 Janarit, SPAK po ekzaminon një audio-regjistrim të komunikimeve të Gardës së Republikës gjatë protestës. Ky regjistrim, i dorëzuar nga gazetari Artan Hoxha, po analizohet në një laborator dixhital për të verifikuar autenticitetin dhe për të identifikuar zërat e personave që komunikojnë në radio. Sipas përmbajtjes së bisedave, në audio dëgjohet komandanti i Gardës së asaj kohe, Ndrea Prendi, duke komunikuar në momentet kur efektivët hapën zjarr ndaj protestuesve.
Gjithashtu, SPAK ka kërkuar të gjitha provat dhe fashikujt hetimorë të mbledhur ndër vite në lidhje me këtë çështje. Mes personave të marrë në pyetje janë ish-drejtori i përgjithshëm i Policisë së Shtetit, Hysni Burgaj, dhe ish-zv.drejtori Agron Kulicaj, por dhe deputetët e ish-eksponentë të organizatorëve të protestës në radhëT E Partisë Socialiste.. Hetimet janë nisur mbi bazën e kallëzimit të familjarëve të Aleks Nikës, një tjetër viktimë e 21 Janarit, ndërsa mes të kallëzuarve janë zyrtarët më të lartë të kohës, ish-kryeministri Sali Berisha dhe ish-ministri i Brendshëm, Lulzim Basha.
j.l./ dita
