Shumë familje kanë mbetur të bllokuara nën gërmadha pas prishjes së banesave të tyre në zonat e prekura nga tërmeti në Turqi dhe Siri.
Një nga këto raste është edhe ajo e Semrah Sahan, familjarë të së cilës, motra me familjen e saj ndodhen nën rrënojat e banesave të shkatërruara. Ajo është e shqetësuar për motrën e saj, Birgül Uşer, mbesat e saj, pesë dhe nëntë vjeç, dhe kunatin e saj Ali Uşer.
Familja e Uşer jetonte në një bllok apartamentesh në provincën e Diyarbakır. Pas tërmetit, e gjithë ndërtesa u shemb – Semrah që atëherë nuk ka dëgjuar më nga familja e saj.
Ajo thotë se nga ata që jetonin në katin e fundit, ka pasur disa të mbijetuar, por Birgül jetonte në katin e poshtëm. Semrah thotë se ka ende shpresë, por ajo po zbehet ndërsa orët kalojnë.
“Ka zhurma që dalin nga ndërtesa, kështu që ka njerëz të gjallë. Nuk e dimë nëse është familja ime”, rrëfen ajo. Semrah thotë se është në procesin e fillimit të pranimit se ata mund të mos jenë më gjallë.
“Po ndodhin mrekulli në të gjithë Turqinë për momentin, njerëzit ende po nxirren të gjallë, thjesht nuk e di. A janë gjallë? A kanë vdekur? Një pjesë e madhe e imja e di se cila është përgjigja. Unë thjesht dua të di se çfarë ka ndodhur”, tha ajo.
m.b./dita
