Miliona përdorues të mediave sociale po reagojnë ndaj imazhit të një kuzhine të verdhë në Ukrainë që kap realitetin e zymtë të shënjestrimit të infrastrukturës nga Rusia në të gjithë vendin.
Fotoja, e realizuar nga fotografi 36-vjeçar ukrainas, Yan Dobronosov, tregon një shtëpi, muri i jashtëm i së cilës u shkatërrua pasi një raketë ruse goditi ndërtesën. Kuzhina e verdhë brenda mbeti pothuajse e paprekur, me fruta ende në tavolinë.
Dobronosov thotë se ai mbërriti në vendngjarje një ditë pasi raketa goditi godinën dhe fillimisht bëri foto nga poshtë përpara se të përdorte një dron për të kapur skenën sapo pa tryezën e kuzhinës sipër tij.
Fotot i kujtonin shtëpinë e tij, thotë ai për TIME.
“Më bëri përshtypje sepse në foto ka një ndryshim të madh mes jetës dhe vdekjes”, thotë ai, duke e quajtur imazhin simbolik.
Sulmi vrau 45 persona në qytetin e Dnipro në 14 janar, duke përfshirë trajnerin e njohur të boksit Mykhailo Korenovsky, i cili jetonte në kompleksin e apartamenteve. Ai ka lënë pas gruan dhe vajzat e tij, të cilat kishin dalë në shëtitje në kohën e sulmit ajror, sipas CBS News.
“Këtu njerëzit gatuanin, bënin biseda në kuzhinë, festonin festat, qeshnin, debatonin”, tha anëtarja e parlamentit ukrainas Zoya Yarosh në një postim në Facebook ku ajo ndau foton.
Yarosh e krahasoi kuzhinën me Ukrainën, ku para luftës, njerëzit “të gjithë jetonin dhe ëndërronin”.
j.l./ dita
