Policia në Mat tha zyrtarisht të martën, se pas informacioneve që kishte siguruar se një 48-vjeçar dhunonte bashkëjetuesen 33-vjeçare si fizikisht ashtu dhe psikologjikisht, ndërhyri dhe e arrestoi, ndërsa në banesë i gjeti 380 fishekë pa leje.
Sipas policisë, gruaja kishte pësuar dëmtime të shëndetit mendor, dhe pa e ditur se dhunohej nga burri, familja e vajzës e kishte trajtuar me mjekim në spitalin psikiatrik në Tiranë.
I vënë në presionin e familjarëve se përse 33-vjeçarja kishte përfunduar në këtë gjendje, burri, Dario Bruçi, pretendoi se asaj i kanë bërë magji, dhe për këtë kontaktoi dhe pagoi një 37-vjeçar nga Kosova, i cili erdhi në banesë për ta shëruar, një ritual në të cilin sipas një video të publikuar nga policia, përdor edhe një kaçavidë me të cilën e godet gruan në trup.
Kontaktin e parë me të arrestuarin Dario Bruçi, 37-vjeçari nga Kosova e ka pasur në qershor të vitit 2022 dhe pas insistimit të burrit nga Burreli për t’i shëruar gruan, ka shkuar një herë në banesën e tyre. Ai tregon se nga biseda e shkurtër që ka bërë me 33-vjeçaren, ajo nuk i ka treguar se dhunohej nga bashkëjetuesi.
Kaçavida e përdorur gjatë ritualit ku ai thotë se ka lexuar vetëm fjalë të fesë islame, përdoret jo për ta dëmtuar, por për t’i dhënë qetësi shpirtërore.
“Misioni i jetës sime përcillet rreth përdorimit të emrit hyjnor të Allahut për të nxitur shërimin dhe mirëqenien mes atyre në nevojë. Ky person më ka kontaktuar përmes rrjetit social Facebook në datën 3 qershor 2022 me kërkesën për të biseduar me mua përmes thirrjes.
Gjatë bisedës ai më ka njoftuar se gruaja e tij nuk ndihet mirë dhe se ka probleme ku edhe më ka dërguar disa video duke thënë: Shiko si është gjendja në familjen time dhe gruan time.
Ai ka hezituar që të vijë tek Teqja ime në Kosovë dhe më ka bërë kërkesë të veçantë që t’i vizitoj në Shqipëri. Unë kam shkuar atje vetëm një herë dhe kam punuar me lutjet e mia fetare të cilat çdo person i cili është në këtë rrugë i kupton dhe i njeh.
Puna ime ka pasur të bëjë vetëm me gjendjen shpirtërore dhe emocionale të gruas së personit në fjalë dhe nuk kam parë ndonjë shenjë dhune apo edhe nuk më ka njoftuar gruaja e tij përmes bisedës se diçka e tillë ka ndodhur”, thotë ai për Report Tv.
Keta plehra qe mashtrojne popullin me idjotesite e tyre te bestytnive duhen varur te gjithe , pa asnje perjashtim. Ne cilin ligj e bazon te drejten per te ushtruar profesionin e mashtruesit ky derr i mbyllur qe po i pelcasin faqet nga shendeti , me profesionin e mashtruesit ?! Ne cdo demokraci nuk ka dhe nuk mund te kete liri absolute , qe mund te besh c`te duash me njerezit . Jane kjo specie gjallesash qe e bejne popullin nostalgjik per ligjet e shtetit ne kohen e Enverit .
Qef o qef bente Hafizi
Mish ne hell,pilaf orizi.
Ky me mjeker e me qylaf nuk po ben me keq se sa ,o shqiptar ,te ka bere Saliu e po te ben Rama.Vendosini ne peshore dhe do te gjeni qe shkaku I depression eshte sistemi qe pranuam.Kemi udheheqsa qe nuk te japin shprese.Feja eshte nje mjet qetesues dhe shpresedhenes.Nuk duhet luftuar por perkrahur.90%e popullit te botes tek feja gjejne rrugen e qetesise per te pranuar gjendjen egzistuese dhe shpresen per te ardhme.E ardhmja varet nga individi dhe fati. (Fati eshte koncept me vete per te folur).
Të 10-sha mu në mjekër, feste, fè, tru, etj. Mjekërcjepërit islamikë janë kolona e pestë e sllavizmit në Shqipëri.