Ish-presidenti Donald Trump ka hedhur dje një pretendim të pabazë që qarkullon në mediat sociale të krahut të djathtë në SHBA, se Kamala Harris mbante një kufje në debatin presidencial së martës. Sipas tij, ajo i merrte pyetjet e debatit paraprakisht.
Kandidati për president është shprehur dje se gjatë një interviste televizive, kundërshtarja e tij kishte bërë paraqitje të dobët, ndaj ka aluduar se edhe në debatin presidencial përgjigjet nuk i ka pasur të vetat, por ia kanë thënë me kufje.
“Sot, ajo pati një intervistë të tmerrshme. E patë intervistën që ajo pati sot? Ajo nuk mund të flasë. Ajo nuk mund të flasë. Ajo nuk mund të flasë pa marrë ndoshta përgjigjet. Cila është historia me këtë? A i mori ajo pyetje, mendoni?
Kështu që dëgjova që ajo mori pyetjet, dhe gjithashtu dëgjova se kishte diçka në vesh, pak diçka në vesh: ‘Jo, Kamala, bëje këtë. Thuaje kështu, Kamala. Në rregull, hesht, shumë njerëz po shikojnë”, ka thënë Donald Trump gjatë një mitingu fushatës në Las Vegas.
Teoria e konspiracionit për kufjen është propaganduar nga anëtarja e ekstremit të djathtë Laura Loomer, e cila ka udhëtuar me Trump ditët e fundit. “Zgjedhje interesante e vathëve sonte, @KamalaHarris…” postoi Loomer në mediat sociale, duke përfshirë një pamje të një artikulli rreth “vathëve audio”.
Siç raportoi më parë CNN, disa njerëz të afërt me Trump thonë se Loomer ka kontribuar në disa nga teoritë e pahijshme të konspiracionit që ish-presidenti ka ngritur që kur Harris zëvendësoi Biden në garën për presidentin e ri të Amerikës.
i.b./dita
