“Një gjë është e qartë, ne hungarezët … nuk do t’i japim më shumë para Ukrainës derisa të thonë se ku kishin shkuar fondet e mëparshme me vlerë rreth 70 miliardë euro”.
Është kjo deklarata që ka bërë kryeministri Viktor Orban në Samitin e BE-së, teksa konfirmon se Hungaria nuk është e gatshme të kontribuojë me para shtesë për të financuar kostot e rritura të shërbimit të borxhit të BE-së.
Në fjalën e tij në samitin e BE-së në Bruksel, Orban e cilësoi qesharake e absurde kontributin shtesë ndaj Ukrainës.
“Dhe ne e shohim krejtësisht qesharake dhe absurde që duhet të kontribuojmë më shumë para për të financuar kostot e shërbimit të borxhit të një kredie nga e cila ende nuk kemi marrë fondet që kemi të drejtë të marrim”, tha Orban.
Një ditë më parë (29 qershor), liderët e BE-së deklaruan se do të merrnin angazhime afatgjata për të forcuar sigurinë e Ukrainës, ndërsa presidenti i Ukrainës Volodymyr Zelensky u kërkoi atyre të fillonin punën për një raund të ri sanksionesh kundër Rusisë.
Orban tha se nuk kishte asnjë shans që vendet anëtare të Bashkimit Evropian t’i miratonin këto plane financiare.
p.k\dita
