Gjykata e Lartë ka rrëzuar ankimin e Redjan Rrajës.
Ai ankimoi vendimin e Gjykatës së Posaçme Antikorrupsion e cila e dënoi me burgim të përjetshëm.
Rraja akuzohet si ekzekutor në atentatin e ndodhur ndaj ish-prokurorit Arjan Ndoj tek mbikalimi i Shkozetit.
Më 11 nëntor 2019 në autostradën Tiranë-Durrës në afërsi të Mbikalimit të Shkozetit, Julian Meçaj në bashkëpunim me persona të tjerë ka qëlluar me armë zjarri në drejtim të automjetit me targa AA 333 ZD, në të cilin udhëtonin prokurori Arian Ndoja, Aleksander Laho dhe shoferi Andi Maloku.
Si pasojë e të shtënave janë plagosur Arian Ndoja, dhe Aleksander Laho, ndërsa Andi Maloku ka ndërruar jetë.
Ndoja tashmë i larguar nga sistemi i drejtësisë për shkak të lidhjeve me krimin, kandidon për Sali Berishën në Durrës, për t’u bërë deputet.
