Ish-polici Derek Chauvin, i cili u dënua për vrasjen e George Floyd në maj 2020, u godit me thikë të premten nga një i burgosur tjetër në Arizona. Sulmi ndodhi në një burg të sigurisë së mesme në Tucson. Byroja e Burgjeve konfirmoi se një person u sulmua në FCI Tucson rreth orës 12:30 me kohën lokale.
I plagosuri u dërgua menjëherë në spital për trajtim mjekësor. 47 vjeçari u dërgua në FCI Tucson nga një burg shtetëror i Minesotës në gusht 2022 për të vuajtur njëkohësisht një dënim federal 21-vjeçar për shkeljen e të drejtave civile të Floyd-it dhe një dënim shtetëror 22 vjet e gjysmë për vrasje të shkallës së dytë.
Vrasja e George Floyd shkaktoi zemërim global dhe një valë demonstratash kundër racizmit dhe përdorimit të forcës nga policia. Ngjarja e rëndë ndodhi pasi polici Chauvin vendosi gjurin në qafën e George Floyd për gati 10 minuta, gjë që rezultoi fatale për afro amerikanin pasi nuk mund të merrte dot frymë.
p.c. / dita
