Pas katër ditësh kërkimesh intesive nga toka dhe ajri është gjetur i vdekur 27-vjeçari nga Kishaj i Hasit, Ajet Lleshi.
Sipas skuadrës së kërkimit dhe banorëve të zonës në vendngjarje, trupi i të riut është gjetur pa dëmtime të jashtme.
27-vjeçari është gjetur tek vendi quajtur “Kurora e Mujes”, të bjeshkëve të Domajt në Has.
Dyshimet e para janë se i riu mund të ketë vdekur si pasojë e të ftohtit, mbulimit nga bora dhe ndonjë problemi tjetër shëndetësor, kjo edhe prej faktit të bisedës telefonike me babanë, pas humbjes mesditën e së dielës së 6 prillit, ku i pati thënë “bab, kam mbet në mal dhe jam sëmurë”.
Policia ka njoftuar edhe babanë për gjetjen, i cili ndodhej pak metra më larg duke kërkuar për trupin e të birit.
i.b./dita
