Rishi Sunak ka mbajtur një fjalim në konferencën e Konservatorëve në Mançester përpara zgjedhjeve të ardhshme të përgjithshme, ndërsa popullariteti i tij ka shënuar rënie.
Kryeministri britanik dhe partia e tij janë pas Laburistëve në sondazhe, por në një përpjekje për të rifituar besimin e partisë elektorale, Sunak po përpiqet të shtypë butonin e rifillimit dhe të paraqitet si një “agjent ndryshimesh” i aftë për të marrë vendimet afatgjata për një të ardhme të mirë, që ishte slogani i konservatorëve në konferencë.
Sunak ka njoftuar një sërë politikash që ai shpreson se do të rrisin popullaritetin e tij të lëkundur, duke përfshirë uljen e taksave, një paketë masash prej 30 miliardë paund për të përmirësuar rrugët, shërbimin e autobusëve dhe trenave, etj.
Çfarë mendojnë britanikët për Sunak?
Votuesit britanikë nuk kanë shumë gjëra për të thënë për kryeministrin e tyre, sipas një sondazhi të ri nga anketuesi Savanta UK. 2000 pjesëmarrësve të sondazhit iu kërkua të përshkruanin Sunak me një fjalë dhe rezultati ishte mjaft zhgënjyes.
Shumë prej tyre shprehën një opinion negativ duke përdorur fjalë të tilla si ” i paaftë, i padobishëm, dhe i dobët “.
Të tjerë e quajtën Sunak “gënjeshtar, të ligë, injorant”. Por ka pasur edhe disa opinione pozitive: “i mirë, i mrekullueshëm, i ndershëm”
Një tjetër element i dukshëm i fjalimit të Sunak në konferencën konservatore në Mançester të mërkurën ishte referenca e tij e shpeshtë për rrënjët dhe familjen e tij. Ai tha se shpesh mendon se sa ndryshe do të kishte qenë jeta e tij nëse gjyshërit e tij nuk do të kishin emigruar nga India dhe Afrika Lindore.
“Mos lejoni askënd t’ju thotë se ky vend është racist. Nuk është. Historia ime është një histori britanike. Një histori se si një familje mundet që nga mbërritja këtu me pak pak të arrijë në Downing Street brenda tre brezave.
Çfarë i ofron Partia Konservatore një familje emigrante? Mundësia për t’u bërë ministra të Energjisë, të Brendshme, të Punëve të Jashtme dhe madje edhe kryeministra”, tha Sunak.
