Është arrestuar nga policia e Vlorës, i shumëkërkuari Ani Begaj, i akuzuar për masakrën e Çolës 7 vite më parë, ku mbetën të vrarë tre persona.
Bëhet me dije se Begaj ishte duke udhëtuar me një makinë në Lungomare dhe nuk i ka ndaluar policisë që i ka bërë sinjal, e cila më pas e ka ndjekur mbrapa.
Më pas policia është vënë në ndjekje të makinës që udhëtonte Begaj. Policia ka arritur të rrethojë zonën dhe ta prangosë.
Më 7 prill të 2015-ës, në lagjen “Çole” të qytetit të Vlorës mbetën të vrarë pas një përplasje me armë shtetasit Hasan Rakipi, Ardi Velaj dhe Albi Limaj.
Autorët e maskrës ishin Aleksandër Llanaj, Ani Begaj dhe Bertil Aliaj.
Përplasja mes dy grupeve ndodhi për shkak të një konflikti banal në një prej kazinove të qytetit, për të përfunduar me tre të vdekur, një të plagosur dhe tre të tjerë pas hekurave.
