Gjykata e Posaçme ka lënë në burg Elvis Ndrecën, djalin e xhaxhit të deputetit të PS-së, Eduard Ndreca. Ai ra në prangat e policisë së Lezhës dy ditë më parë, pasi akuzohet nga SPAK për veprën penale të “Sigurimit të kushteve për të kryer vrasje” ndaj Durim Bamit.
Ndreca u kap teksa komunikonte përmes Sky ECC me Samuel Ndokën, dhe ish-deputetin e PS-së, Arben Ndoka. Po ashtu, në dosjen e SPAK, Ndreca del duke komunikuar me kushëririn e tij, Armando Ndreca, për parcelat me kanabis në zonën e Kashnjetit, ku po në kuadër të këtij operacioni u arrestua Armando Ndreca, si dhe ish-drejtori i Policisë së Lezhës, Henrigert Mitri.
Më 31 janar, Prokuroria e Posaçme njoftoi se ka përfunduar hetimet dhe ka nisur komunikimin e akuzave për anëtarët e 7 grupeve kriminale, që u goditën në kuadër të operacionit “Revanshi”. Në kuadër të këtij operacioni të ndërmarrë në maj 2024, u krye fillimisht arrestimi i 20 personave, 14 prej të cilëve në Shqipëri, dhe 6 jashtë vendit, përkatësisht 2 në Itali, 1 në Gjermani, 1 në Spanjë dhe 2 në Belgjikë.
j.l./ dita
