Nënkryetari i Bashkisë së Tiranë, Arbjan Mazniku, gjatë një interviste televizive është shprehur se rritja e numrit të banorëve të kryeqytetit ka shtuar kërkesat për ndërtime. Sipas Maznikut, çdo vit popullsia e Tiranës shtohet me 20 deri në 25 mijë banorë në vit, një normë rritjeje me 2%.
“Përshtypja që të krijohet kur sheh objektet e larta është normale. Tirana është një qytet dinamik, qytet që jeton. Çdo vit rritemi me 20-25 mijë banorë të rinj. Ky është një fenomen që nuk ndodh vetëm në Shqipëri.
Norma jonë e rritjes është me 2% çdo vit. Ne përderisa kemi mundësi sot të ndërtojmë objekte të larta, është e mira të ndërtojmë ato. Objektet e larta që ne kemi deri më tani, kanë qenë sukses dhe jo dështim.
Do ketë më ndërtime? Ne duhet të ndërtojmë në mënyrë moderne dhe me kërkesat e tregut. Nëse ka kërkesa për të ndërtuar, unë nuk ia shoh dëmin këtyre objekteve.”, tha Mazniku.
m.b./dita
