Shqipëria sfidon Çekinë këtë të enjte, në ndeshjen e vlefshme për kualifikueset e Europianit. Trajneri Silvinjo i ka dhënë dorën e fundit përgatitjeve dhe skuadra kuqezi është gati për ndeshjen e sotme.
Bëhet me dije se një nga lojtarët e Shqipërisë sot, do të përfundojë në tribunë. Bëhet fjalë për Odise Roshin, i cili është lënë jashtë listës për ndeshjen e sotme.
UEFA kërkon që për një ndeshje të jenë 23 lojtarë, ndërsa Shqipëria, pas dëmtimit të Qazim Laçit, kishte 24 të grumbulluar, për këtë arsye, trajneri Silvinjo, ka vendosur të sakrifikojë Roshin, i cili është i detyruar ta ndjekë ndeshjen nga tribuna.
