Investigimi i RAI 3, Bardhi kërkoi interpelancë më Ramën, maxhoranca e rrëzon

Maxhoranca ka rrëzuar kërkesën e kreut të Grupit të PD-së, Gazment Bardhi për interpelancë me kryeministri Edi Rama për investigimin e medias italiane Rai3.

Kërkesa për interpelancë u hodh në votim nga kryeparlamentarja Lindita Nikolla pas tensioneve në Kuvend me kreun e Grupit të PD-së. Por, PS e rrëzoi duke e votuar me 56 vota pro.

Para se kërkesa të hidhej për votim, Bardhi u shpreh se Rama nuk e telefonoi drejtorin e RAI3 si piktor, por në cilësinë e kryeministrit.

“A ka mundësi ta mbyllësh gojën, mbylle gojën. Nuk ka nevojë as për sharje as për ngritje zëri, nuk kërkojmë as më pak e as më shumë nga çfarë na jep Kushtetuta dhe rregullorja. Zonja kryetare, javën e shkuar pas një kërkese po të refuzuar që Rama të jepte llogari për dyshimet e përfshirjes e vëllait të tij në laboratorin e Xibrakës, pas një emisioni investigativ, rezulton dhe është pranuar nga vetë Rama që ka tentuar të ushtrojë presion ndaj gazetarëve që kanë kryer investigimin në median shtetërore RAI. Rama e ka pranuar telefonatë me drejtorin e RAI3 duke shprehur se ka qenë duke mbrojtur sekretarin e vetë të përgjithshëm, të cilin rai3 e konsideronte si avokatin e trafikantëve të drogës dhe e gjithë vëmendja te Emgjëll Agacit bëhej për të fshehur dyshimin të përfshirjes së vëllait të kryeministrin në trafikut ndërkombëtar të laboratorit të kokainë, Xibrakës”, tha ai.

“Vetë programi i RAI3 nuk ka urgjencë mqs vetë e ka shtyrë pjesën e dytë të emisionit, Këto sqarime janë bërë seancën e kaluar. Ka pasur hapësirën për të sqaruar qëndrimin e vet. Është marrë vendimi nga ky parlament që nuk ka vend  për një seancë të tillë, të paktën urgjente”, i është përgjigjur Çuçi.

j.l./ dita