Shpërthimet në Detin Baltik që dëmtuan rëndë gazsjellësin North Sream 2, janë kryer me urdhër të presidentit të SHBA Joe Biden. Kjo është sinteza e akuzës së përmbledhur në një raport me 5 mijë fjalë të një prej gazetarëve investigativ të çështjes së “Watergate”, fitues i fitues i çmimit Pulitzer në vitet ’80.
85-vjeçari Seymour Hersh është një nga fytyrat më të njohura gjatë skandalit Ëatergate dhe në luftën e Vietnamit, ku ai raportonte për prestigjiozen New York Times, por edhe më vonë me trajtimin e personave të dyshuar si terroriste në burgun e Abu Ghraib, ku nuk mungonin tortura të frikshme.
Sipas Hersh, palombarët e forcave amerikane, zyrtarisht pjesë e një stërvitje të përbashkët të NATO-s gjatë qershorit të kaluar në Gjermani, dhe e quajtur BALTOPS22, kanë vendosur eksploziv të tipit C4 përgjatë gazsjellësit. Gazetari i njohur dhe kontrovers thotë se eksplozivi shpërtheu në shtator, pasi u aktivizua me një sinjal sonar nga një mjet i forcave norvegjeze.
Urdhri sipas gazetarit ka ardhur nga vetë presidenti Biden, për të penguar furnizimin e Gjermanisë me gazin rus, dhe si pasoje varësinë e Berlinit nga dëshirat e Kremlinit. Shtëpia e Bardhe ka reaguar ndaj akuzave të Hersh, duke i cilësuar ato si totalisht të cunguara dhe jo të vërteta, por lajmi ka bërë bujë veçanërisht në mbështetësit e teorive konspirative dhe atyre që haptazi mbështetin Putin.
Ndër vite, gazetari ka ashpërsuar tonet kundër administratës amerikane, shpesh herë duke mbështetur arsyet kundër Uashintonit të regjimeve si ato të Iranit, Sirisë dhe Rusisë, ndërkohë që edhe burimet që ai pranon për rastin e Nord Stream 2 janë mbajtur anonim.
Sipas ekspertëve, për shpërthimet u përdorën rreth 500 kilogramë eksploziv. Kampi i NATO-s vazhdon të dyshojë për Rusinë, Moska përgjigjet duke vënë në pikëpyetje SHBA-në dhe aleatët e saj.
m.b./dita
