Një ngjarje e rëndë ka ndodhur paraditen e sotme në Shkodër nga ku mësohet se një turist amerikan ka vrarë me thikë bashkëshorten e tij.
Pas këtij akti, mësohet se turisti ka qëlluar edhe veten, ndërsa raportohet se ndodhet në spital për mjekim.
Bëhet me dije se vrasja ka ndodhur në rrugën “At Shtjefën Gjeçovi” të Shkodrës.
Autori i dyshuar i ngjarjes së rëndë të ndodhur sot në Shkodër është identifikuar si 57-vjeçari amerikan Brandon Saporito.
Ndërkohë bashkëshortja e tij, rreth 53-vjeçe, ka humbur jetën në vendngjarje.
Sipas informacioneve paraprake, çifti i turistëve ishin akomoduar në një banesë me qira.
Policia bën me dije se autori i dyshuar u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse.
Njoftimi: i Policisë
Shkodër/Informacion paraprak
Rreth orës 10:15, në rrugën “At Shtjefën Gjeçovi”, në një banesë të marrë me qira, dyshohet se është vrarë me mjet prerës, shtetasja amerikane, S. S.
Në banesë u gjet bashkëjetuesi i saj, shtetas amerikan, i cili dyshohet se është autori i vrasjes. Ky shtetas u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse.
Grupi hetimor, në drejtimin e Prokurorisë, po punon për zbardhjen e rrethanave dhe për dokumentimin ligjor të rastit.
j.l./ dita
