Ka dhënë dorëheqjen kancelari i Austrisë Karl Nehammer (i OVP), pasi dështoi të formonte koalicionin qeverisës me SPO-në, bëjnë me dije mediat austriake këtë të shtunë.
“Kemi provuar gjithçka deri në këtë pikë. Një marrëveshje për pikat kryesore nuk është e mundur. Kjo nuk ka kuptim për një të ardhme pozitive për Austrinë”, tha Nehammer në fund të negociatave të koalicionit.
Partia Popullore planifikon të japë sot informacion për orarin e mëtejshëm, por sipas informacioneve të gazetës “Krone”, dorëheqja e Nehammerit si kancelar është një punë e kryer. Ai gjithashtu ka të ngjarë të japë dorëheqjen si kreu i OVP-së.
Komiteti ekzekutiv i partisë OVP është planifikuar të mblidhet në orën 10 të dielën në Kancelarinë Federale. Karoline Edtstadler, Wolfgang Hattmannsdorfer dhe Sebastian Kurz po konsiderohen si alternativa të mundshme për Nehammer.
j.l./ dita
