Joe Biden së fundmi iu nënshtrua një operacioni për të hequr lezionet e kancerit të lëkurës. Zëdhënësja e tij, Kelly Scully, konfirmoi operacionin pasi “Inside Edition” publikoi një video të Bidenit duke u larguar nga kisha në Delaware me një shenjë operacioni në ballë.
Ajo tha se Biden iu nënshtrua operacionit Mohs, një procedurë e përdorur për të prerë lëkurën derisa të mos mbeten më shenja të kancerit. Dy vjet më parë, ndërsa Biden ishte në detyrë, atij iu hoq një lezion nga gjoksi. Lezioni ishte karcinoma bazale, një formë e zakonshme e kancerit të lëkurës.
Në maj, zyra e Bidenit njoftoi se ai ishte diagnostikuar me një formë agresive të kancerit të prostatës që ishte përhapur në kockat e tij.
“Kanceri na prek të gjithëve. Ashtu si shumë prej jush, unë dhe Jill kemi mësuar se jemi më të fortë në vendet e thyera,” shkroi Biden në rrjetet sociale në atë kohë.
Familja Biden është përballur vazhdimisht me kancerin gjatë viteve. Djali i Bidenit, Beau, vdiq nga një tumor në tru dhe gruas së tij, Jill, iu hoqën dy lezione kancerogjene.
j.l./ dita
