Gjykata e Lartë ka rrëzuar kërkesën e ish-kryebashkiakut të Himarës Jorgo Goro për një masë më të butë sigurie.
Goro akuzohet për shpërdorim detyre në dy raste dhe aktualisht ndaj tij janë caktuar 2 masa sigurie lidhur me abuzimin e bashkisë Himarë në njohjen e pronave në bregdet.
Ai ndodhet aktualisht nën masën “arrest në burg” për akuzat “falsifikim i dokumenteve” dhe “shpërdorim detyre” pasi dyshohet se ka kryer veprime dhe mosveprime në kundërshtim me ligjin gjatë procesit të trajtimit të një kërkese të paraqitur nga kryetari aktual i komanduar i të njëjtës njësie vendore, Arqile Bollano, prej nga ky i fundit ka përfituar mbi katër dynymë tokë në mënyrë të paligjshme.
i.b./dita
