Juventusi luan sot një ndër ndeshjet më kyçe të sezonit përballë Benfikës, ku me një humbje në Lisbonë do t’i jepte lamtumirën Champions League-s.
Bardhezinjtë renditen të tretët në grupin H me 3 pikë, ndërkohë PSG dhe Benfica me nga 8. Parizienët përballen me Makabin, skuadër të cilët e mundën ndeshjen e parë në Izrael.
Edhe në grupin G nuk mungojnë sfidat interesante si ajo mes Mancester Sitit dhe Dortmundit, pavarësisht se anglezët kanë siguruar kalimin në fazën tjetër. Ndërkohë Sevija dhe Kopenhagen duket se i kanë mbyllur llogaritë në këtë kompeticion dhe synojnë Europa Ligën.
Në grupin F, Reali kryesues udhëton drejt Gjermanisë ku përballet me Lajpcigun, ndërkohë Selltiku pret në shtëpi Shaktarin. Në grupin E llogaritë janë të hapura për të 4 skuadrat, pasi asgjë nuk është konfirmuar.
Çelsi i Poter synon fitoren e radhës ndaj Salzburgut në Austri, gjë që do të siguronte kalimin më tej. Në po të njëjtin grup, Zagrebi pret Milanin, nga të cilët u mposht në ndeshjen e parë 3-1.
