Një incident i pazakontë është regjistruar sot në SPAK, ku një grua ka kërkuar me çdo kusht që të hyjë brenda Prokurorisë së Posaçme Antikorrupsion.
Ndonëse e moshuara nuk u lejua që të hynte nga dera prej hekuri, ajo gjeti një zgjidhje alternative, duke hipur përmes kangjellave.
Teksa u konfrontua dhe u nxor jashtë nga roja i institucionit, ajo sërish tentoi të futej.
Zonja në fjalë lëshoi akuza në drejtim të kryebashkiakes së Kurbinit, Majlida Cara, për të cilën tha se i ka vjedhur pronat përmes tjetërsimit.
Ajo kërkoi mes të tjerash qeveri teknike.
“Më ka thënë Majlinda Cara. Ca ke ti me Majlindën? Vetëm qeveri teknike, s’ka punë tjetër këtu. Mos më prek me dorë!
Ik andej. Mos më ndal. Ku janë oficerët? Ku janë oficerët? Ik andej, zhduku. Ku është kryetari i SPAK-ut? Kë shtyn prej dore ore? S’ka burrë të mos më lërë në SPAK. Ca e ke atë Majlindën e Kurbinit? Vetëm qeveri teknike këtu! Majlinda Cara më ka marrë pronat, mi ka tjetërsuar. Mi vodhi pronat!”, tha gruaja.
Po me qeverinë teknike – ç’pate?
O moj ti zonja e moshuar
S’të mjafton Majlinda Cara
Kryebashkiakja e lazdruar* ?
Që 7 vjet po të mundon
Edhe pronat t’i tjetërson
Edhe bën sikur s’dëgjon
Me shpresën se ti harron.
Po erdhi qeveri teknike
Ose gjysëm mekanike
Dije – përgjithmonë u fike
Majlindën do ta bësh mike.
P.s. *e lazdruar – e përkëdhelur, e llastuar.
Para pak kohesh,perpara ketij institucioni,nje qytetar tjeter vrau veten.Sot,zonja ne pamundesi te gjej te drejten ngjitet nga kangjellat.Sa e trishte,gjithe shpresa e nje shoqerie varur ne nje prokurori per t’i shpetuar nga padrejtesia e te zgjedhurve per t’i perfaqesuar qe jane kthyer ne sundimtare.Zoti te na ndihmoje te gjejme shpresen dhe respektin qe meritojme.
Prona eshte me shpirtin.