Arrestohet nga policia turke një shtetas turk të cilit iu gjet në një valixhe, 1 kilogram e 940 gram metamfetaminë . Në deklaratën e tij në polici, i arrestuari i cili kishte ardhur me autobus në Dijarbakır, tha se ka ardhur në qytet për të ndihmuar me kërkimet në zonat e shkatërruara nga tërmeti.
Sipas policisë, personi i ndaluar ishte pikasur nga kamerat e sigurisë me valixhe në dorë duke zbritur nga një autobus linje dhe kjo kishte shtuar dyshimet mbi prezencën e gjërave të ndaluara brenda valixhes ndaj nisën ta ndiqnin.
Pasi e ndaluan në dalje të terminalit të autobusëve, atij iu gjet e fshehur poshtë rrobave 1 kilogram e 940 gram metamfetaminë, dhe u arrestua menjëherë. I dyshuari u dërgua në komisariatin e policisë lokale, nga ku dhe nisën hetimet përkatëse për origjinën dhe destinacionin final të lëndës narkotike.
m.b./dita
