Sinoptikania Lajda Porja ka folur për situatën meteorologjike në vend.
Priten të fillojnë reshjet e shiut gatë mbrëmjes së sotme në pjesën veriore të vendit. Do të ketë herë pas herë mini-stuhi breshëri dhe stuhi shiu, temperaturat do të ulen në 30 gradë C.
Pritet që moti i paqëndrueshëm të na shoqërojë dhe ditën e mërkurë. Në qarkun e Vlorës dhe Shkodrës do të ketë më shumë rrebeshe shiu. Më pak reshje do të kenë zona malore dhe qarku i Korçës.
Përsa i përket fundjavës, do të kemi sërish një mot të ngrohtë. Pritet që temperaturat të shkojnë deri në 35 gradë Celsius.
Pra do të kemi një ulje të temperaturave, e mërkurë, e enjte dhe e premte, ndërsa fundjava do të shoqërohet me mot të kthjellët dhe temperatura deri në 35 gradë celsius.
Java e parë e shtatorit do të ketë temperatura deri në 34-35 gradë Celsius, kjo për 10-ditëshin e parë të muajit.
Shatori dhe tetori do regjistrojë 2-3 gradë më të lartë se mesatarja. Kemi thënë që do kemi zgjatje të verës, pasi ka startuar fenomeni ‘El Nino’”, u shpreh Porja.
