Banka qendrore e Sirisë, nën regjimin e Bashar al-Assad, thuhet se dërgoi me avion rreth 250 milionë dollarë në Moskë midis viteve 2018 dhe 2019, një periudhë kur regjimi i diktatorit sirian ishte plotësisht i varur nga mbështetja ushtarake ruse.
Dokumentet e zbuluara nga Financial Times, tregojnë se transfertat, të cilat përfshinin kartëmonedha që peshonin një total prej gati dy tonë, u bënë me rrugë ajrore në Vnukovo, Moskë.
Transferimet e pazakonta nga Damasku tregojnë se si Rusia, një aleat kyç i Asadit që ndihmoi në mbajtjen e tij në pushtet, është bërë një destinacion kyç për paratë siriane pasi sanksionet perëndimore e ndërprenë vendin nga sistemi financiar global.
Figurat e opozitës dhe vendet perëndimore kanë akuzuar hapur Assadin për vjedhjen e pasurisë së Sirisë dhe përdorimin e aktiviteteve kriminale për të financuar ambiciet e tij ushtarake dhe personale. Në kohën kur bëheshin transfertat e parave, Siria ishte e varur nga mbështetja ushtarake ruse, duke përfshirë mercenarët e Grupit Ëagner, ndërsa anëtarët e familjes Assad blinin prona luksoze në Moskë.
David Schenker, ish-nënsekretari amerikan i shtetit për çështjet e Lindjes së Afërt, tha se nuk ishte i befasuar që diktatori sirian po dërgonte shuma kaq të mëdha në Rusi.
“Regjimi i Asadit i zhvendosi përfitimet e tij të paligjshme jashtë vendit për të siguruar një mënyrë jetese luksoze dhe elitare”, shprehet ai.
Transferta në kartëmonedha 100 dollarë dhe 500 euro
Ndërmjet marsit 2018 dhe shtatorit 2019, banka qendrore e Sirisë bëri 21 fluturime për në Moskë, duke transportuar një total prej më shumë se 250 milionë dollarësh në kartëmonedha 100 dhe 500 euro. Të dhënat tregojnë se në maj 2019, një fluturim ka bartur 10 milionë dollarë, ndërsa në shkurt të po atij viti janë bartur 20 milionë euro.
Sipas Times, para vitit 2018 transferta të tilla nuk ishin regjistruar. Sipas burimeve të njohura me sistemin e Bankës Qendrore të Sirisë, rezervat valutore të Sirisë ishin shteruar pothuajse tërësisht deri atëherë dhe regjimi u detyrua të bënte pagesa në para për blerjen e grurit, shtypjen e parave të letrës dhe shpenzimet për mbrojtjen.
Paratë përfunduan në dy banka ruse, Banka e Korporatës Financiare Ruse (RFK), e kontrolluar nga eksportuesi shtetëror i armëve Rosoboronexport, dhe Banka TsMR. Të dyja këto banka janë sanksionuar nga Departamenti Amerikan i Thesarit për lehtësimin e transaksioneve të paligjshme dhe anashkalimin e sanksioneve në emër të regjimit të Asadit.
Të dhënat ruse tregojnë gjithashtu se Moska i ofroi Sirisë letër sigurie për shtypjen e kartëmonedhave dhe kartëmonedhave të sapoprintuara siriane në vitet e mëparshme. Megjithatë, nuk ka dëshmi të transfertave të tjera masive të parave nga Siria në këto banka në dekadën e fundit.
Veprimtaritë e familjes Assad
Pavarësisht ekonomisë së shkatërruar të Sirisë, Assad dhe ata në rrethin e tij të ngushtë kanë mbajtur kontrollin mbi sektorët kritikë gjatë gjashtë viteve të fundit. Gruaja e tij, Asma al-Assad, një ish-bankiere e JP Morgan, ishte kryesore për menaxhimin e ndihmave humanitare që derdheshin në vend dhe drejtoi një këshill të fshehtë ekonomik.
Që nga viti 2013, anëtarët e familjes Assad kanë blerë të paktën 20 apartamente luksoze në Moskë përmes rrugëve komplekse të korporatave dhe kredive.
Në vitin 2022, kushëriri i Asadit, Iyad Maklouf , themeloi firmën e ndërmjetësimit Zevelis City në Moskë me vëllain e tij, Ihab.
Iyad Makhlouf ishte një ish-zyrtar në Shërbimin e Inteligjencës Siriane (i cili thuhet se vëzhgonte, torturonte dhe vrau civilë) dhe mbante lidhje të ngushta me Asadët, edhe pas “rënies” së vëllait të tij tjetër, Rami Makhlouf, një biznesmen që kontrollonte gjysmën e Ekonomisë siriane para se të binte në konflikt me diktatorin sirian.
j.l./ dita
Regjimet kane shume te perbashketa e kjo e dergimit te parave jashte vendit eshte njera prej tyre. Ashtu sic jane dhe faktet se asnje Regjim ne bote nuk ka ikur e nuk iken kurre me vote si dhe mania per mos ikur nga pushteti deri ne neveritje popullore e deri ne vdekje. Votimet ata i kane farse ku rezultati paracaktohet nga Sundimtari e pastaj jane Qelbacet qe ja rregullojne sipas oreksit tij.
Natyrisht qe ato para jashte te Regjimeve behen te ditur vetem kur ato bien e rrezohen nga froni. Sa jane ne fron, ato merren me persekutim te opozitave e me vjedhje per vehte (c’do ngjashmeri mes Assad e Rames nuk eshte vetem rastesi)
Rregjimet thotë ky më sipër !
Siç duket ka parasysh diktaturat . Por ka diktaturë e diktaturë .
Diktatori Stalin , po , diktator ka qenë , por nuk la pas vetes asnjë qindarkë për vete apo për fëmijët e tij .
Pati dy djem e një vajzë . Njëri djalë , oficer I thjeshtë luftonte në front dhe ra rob I gjermanëve . Kryqi I kuq ndërkombetar u bë ndërmjetës që Stalini të këmbente djalin me feldmarshallin Paulus të kapur rob në Stalingrad . Jo tha diktatori Stalin , këtë s’e bëj dot , ç’do thonë nënat dhe baballaret e atyre që janë robër tek nazistët !
Djali tjetër vdiq pas Luftës , në varfëri , ndersa vajza vdiq e braktisur në një shtëpi pleqsh në Amerikë .
Molotovi , personi numur dy në BRSS , pas Stalinit, vdiq një vit pas Enver Hoxhës dhe e vetëmja pasuri që la pas , ishte libreza e kursimit me 500 rubla.
Këto fundërrinat,diktatorët dhe kasapët perendimor, duke akuzuar tjertë,për të mbuluar krimet e veta,i quajnë të tjertë diktator,aniqë ata ishin dhe mbetën njerëz të thjesht të popullit,model të njerzillëkut,siç ishin Marksi,Lenini Stalini,Enveri,Mollotovi e shumë të tjerë.
Por,nuk është qudi,kur kihet parasysh përralla e Jezusit dhe ajo e Muhamedit sa gjatë mbajnë njerëzimin trushpëlar.
Edhe këto marifetet kapitalisto-imperialiste aty kanë rrënjët.
Delet mbesin dele,për te kasapi.