Njësia Speciale ka hyrë brenda në manastirin e Banjskës, ku është ngujuar grupi kriminal i armatosur në komunën e Zveçanit.
Burime të Klan Kosovës, bëjnë me dije se ka mundësi që aksioni të përfundojë brenda orës. Disa prej anëtarëve ekstremistë serbë të armatosur u arrestuan, teksa pati dhe dy të vrarë.
Kujtojmë se sot në orët e hershme të mëngjesit, një grup i organizuar dhe i armatosur ka hapur zjarr ndaj pjesëtarëve të Policisë së Kosovës, ku si pasojë një polic ka humbur jetën dhe dy të tjerë kanë mbetur të lënduar.
