Kolegji i Posaçëm i Apelimit ka rrëzuar ankimimin e gjyqtarit të Apelit në Durrës, Izet Dushajt, kundër vendimit të Komisionit të Pavarur të Kualifikimit, për shkarkimin e tij nga detyra.
Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Sokol Çomo relator, Albana Shtylla, Ina Rama, Mimoza Tasi anëtarë, la në fuqi vendimin e Komisionit të Pavarur të Kualifikimit nr. 451, i datës 23.09.2021, për shkarkimin e gjyqtarit Dushaj, pasi nuk arrinte të justifikonte pasurinë.
“Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:
“Lënien në fuqi të vendimit të Komisionit të Pavarur të Kualifikimit nr. 451, datë 23.09.2021, që i përket subjektit të rivlerësimit Izet Dushaj.
Ky vendim është përfundimtar dhe ka efekt të menjëhershëm.
U shpall sot, në Tiranë, më datë 17.02.2025”,- thuhet në njoftimin e KPA.
Kontrolli i pasurisë i çdo subjekti është themelor në vazhdimësinë e tij..
Në rast mos justifikimi të sekuestrohet pasuria.
Shoku Ardian Dvorani aktualisht nen/kryetar i gjykates Apelit Administrativ a i justifikoj ato 100 miliin leke te vjetra qe nuk i kishte paraqitur ne deklaraten periodike per ILKDP ,a dini gje apo ce deshe ?!!