Vangjel Tavo konfirmohet në krye të bashkisë Himarë, pasi Kolegji Zgjedhor ka rrëzuar padinë e opozitës.
Sali Berisha dhe PBDNJ e Vangjel Dules ankimuan rezultatin e zgjedhjeve duke kërkuar që ato të shpalleshin të pavlefshme, për shkak të parregullsive të pretenduara prej tyre.
Një prej këtyre parregullsive, sipas ankimimit, ishte se shumë votuesve u kishte skaduar karta e identitetit, dhe për rrjedhojë e patën të pamundur të votonin.
Tavo u shpall fitues me mbi 1400 vota ndaj kandidatit të koalicionit “Bashkë Fitojmë”, Petro Gjikuria.
VENDIMI:
Komisioni i Ankimimeve dhe Sanksioneve (KAS), me Vendimin Nr.19 Dt.26.08.2024, objekt i kërkesëpadive, ka vendosur:
“1. Rrëzimin e kërkesës ankimore nr.11, datë 09.08.2024, të depozituar nga subjekti zgjedhor koalicioni “Bashkë Fitojmë”.
2. Lënien në fuqi të vendimit nr. 85, datë 05.08.2024 të KZAZ nr. 88, Qarku Vlorë “Për miratimin e Tabelës Përmbledhëse të Rezultateve për zgjedhjen e Kryetarit të Bashkisë Himare”. Ky vendim hyn në fuqi menjëherë dhe publikohet në faqen zyrtare të Komisionit Qendror të Zgjedhjeve. Bazuar në pikën 1 të nenit 145 të Kodit Zgjedhor mund të bëhet ankim kundër këtij
1 Bazuar në vendimin e ndërmjetëm të bashkimit të dy çështjeve. vendimi në Kolegjin Zgjedhor Gjyqësor pranë Gjykatës Administrative të Apelit, brenda 5 ditëve nga shpallja e tij, sipas përcaktimit të pikës 2 të nenit 152 të Kodit Zgjedhor”. Ndërsa, Kërkesa Ankimore Nr.11 Dt. 09.08.2024, e paraqitur nga Koalicioni “Bashkë Fitojmë” në Komisionin e Ankimimeve dhe Sanksioneve (KAS), kishte për objekt:
“1. Kundërshtim i Vendimit nr.85, datë 05.08.2024 “Për miratimin e Tabelës Përmbledhëse të Rezultateve për Zgjedhjen e Kryetarit të Bashkisë Himarë në zgjedhjet e pjesshme të datës 04.08.2024”, të KZAZ nr. 88.
2. Pavlefshmërinë e zgjedhjeve të zhvilluara në të gjitha QV (gjithsej 36 QV- të) të zonës zgjedhore Bashkia Himarë.
3. Rregullimin e pasojave duke shpallur pavlefshmërinë e zgjedhjeve për bashkinë Himarë.”
Kolegji Zgjedhor Gjyqësor, me Vendimin Nr.5 Dt.09.09.2024, unanimisht:
VENDOSI
1. Rrëzimin e padisë së palës paditëse Koalicioni “Bashkë Fitojmë” dhe Partia “Bashkimi për
të Drejtat e Njeriut”.
2. Shpenzimet gjyqësore siç janë bërë.
3. Ky vendim është i formës së prerë dhe ndaj tij nuk lejohet ankim.
j.l./ dita
