Trafikanti ekuadorian i drogës Emiliano Sanchez Farfan i njohur me nofkën “Macja Farfan” është arrestuar nga autoritetet kolumbiane me qëllim ekstradimin në Shtetet e Bashkuara të Amerikës. Mediat vendase raportojnë se arrestimi i tij është bërë në Narino të Kolumbisë në bashkëpunim me autoritetet ekuadoriane.
Farfan, lideri i kartelit të njohur si ‘Nueva Generacion Ekuador’, akuzohet se është një nga furnizuesit kryesorë të kokainës për kartelin Sinaloa, të cilit ai i dërgon ‘mallin’ nga Guayakili. Policia lokale njofton se pas arrestimit të ‘maces Farfan’, ka bastisur dhe vilat e tij dhe në njërën prej tyre ka gjetur e arrestuar një të ri nga Fieri, Artur Rrapaj 37 vjeç.
Rrapaj është arrestuar gjatë bastisjes së tre banesave në provincën bregdetare të Guayas dhe një në provincën veriore të Andeve të Imbabura.
Rrapaj dyshohet se është pjesë e kartelit ‘Nueva Generacion Ekuador’ që drejtohej nga Farfan.
Në banesën ku është kapur 37- vjeçari janë sekuestruar 319 mijë dollarë, telefona satelitorë dhe pajisje GPS, ndërsa në Imbabura është bastisur një kala me dyer të blinduara ku u gjetën katër kasaforta me 90 mijë dollarë. 37-vjeçari nga Fieri ka precedentë penale edhe në Shqipëri.
m.b./dita
