Një ngjarje e rëndë ka ndodhur në fshatin Çiflig të Korçës, ku një 62-vjeçar është gjetur i pajetë në oborrin e banesës së tij.
Sipas informacioneve të para, i ndjeri jetonte me familjen e tij, dhe ata kanë njoftuar menjëherë policinë pasi e gjetën pa shenja jete.
Trupi i tij është transportuar për një ekspertizë mjeko-ligjore në morgun e spitalit të Korçës, për të përcaktuar shkaqet e vdekjes.
Sipas burimeve, dyshohet se vdekja mund të ketë ardhur si pasojë e një arresti kardiak, por rezultatet e hetimit do të mund të saktësojnë këtë hipotezë.
Policia ka nisur hetimet për të zbardhur tërësisht rrethanat e kësaj ngjarjeje të trishtuar.
i.b./dita
