Komisioni i Posaçëm i Apelit ka lënë në fuqi vendimin e marrë në 16 qershor të 2020-ës nga Komisioni i Pavarur i Kualifikimit për shkarkimin e prokurorit Blerim Tominaj. Ai u shkarkua nga detyra për mosdeklarimin e 3.6 milionë lekëve në vitet 2011, 2012 dhe 2013.
Tominaj njihet si prokurori i dosjes që çoi në pranga grupin kriminal “Bajri”. Ai u vu në hetim disiplinor më 20 shtator 2018 si prokurori ‘rebel’ që refuzoi të ishte pjesë e shortit për të zëvëndësuar Eneid Nakuçin dhe Elisabeta Imerajn në dosjen ndaj Emiljano Shullazit.
Blerim Tominaj e nisi karrierën në sistemin e drejtësisë në vitin 1993 dhe punoi për më shumë se një dekadë si prokuror në Prokurorinë e Tiranës. Në vitin 2014, ai u emërua zv.drejtues i Prokurorisë së Krimeve të Rënda dhe vazhdoi të punonte në këtë prokurori deri në shkrirjen e saj në dhjetor të vitit 2019.
m.b./dita
